[FSY] CH Schwizer Gilde suecht neui Spieler! Thurgauer sind au ok!

[NEVEC.3758]

Hoi Zäme!

Ich ha vor öppe 2 Jahr dGilde Frozen Serenity gründet. Mir si e Gilde mit praktisch chene verpflichtige (ke Reppflicht, ke Aktivitätspflicht) und sind eher e kollegiali oder sogar familiäri Gilde. Die einzig Bedingig isch dass mer Discord het, Schwizerdütsch verstaht und us de Region Schwiz oder Umgebig isch.

PvX mit Schwerpunkt Raiding beschriibt üs wohl am beste - aber selbst bim raide simer eher locker und hend ned würkli statics, sondern e Pool vo Raiders wo me sech spontan an Raid cha amelde. Mir nehme au total neui Spieler oder trainiere au unerfahreni Raider sowie Fractal Spieler für zBsp Fractal CMs.Mir si öppe 20-25 aktivi Member und sDurschnittsalter liegt bi 25. E mindestalter bestaht ned würkli, solang mer eifach erwachse mitenander cha umgah.

Wenn ihr Interesse hend, meldet euch doch bi mir uf Discord: Nevac#0001

Am beste beschribe euse Gildegeist aber die 2 compilation Videos, wo i dene 2 Jahr entstande sind, es isch ke muss zum luege, aber i hoffe sie unterhalte euch :)1. Compilation (Ersti Gilderaids):

2. Compilation (Gmischt):

Egal ob erfahre oder neu, sind alli herzlech willkomme! Sogar Thurgauer!Grüessli und bis bald in Tyria!

[NEVEC.3758]

bump

Sind scho paar dazue über de Post, viellecht gfinde mer ja mehr :)

[Lederuschi.9348]

Hoi zäme ich und en Kolleg sueched e Gilde. mir hend der e fl a frag gschickt im DC. Mir würdet neu afange müsstet no wüsse uf wellem server ihr sind. Schöne Abig no.

[Nightsike.6187]

Ha dir mol e Fründschaftsafrog in Discord gschiggt, wär gärn mit drbi :) @NEVEC.3758

[Mayo.2814]

 

Bitte laded mech ih 😄 Danke vell mol

[Spark.1495]

hät au interesse biztrete 🙂

[Ghost.7402]

Heyho

 

Bi zwüschezytlech 30i gsi und gurke aube chlei in Gw2 ume - im Prinzip hani e Gilde, womit ig regelmässig Gw1 spiele und wahrschindlech au zneue Add-On wirde spiele. 

Meh, mache die de aber äuä au schowieder nid. 

Drum, suechi e Gilde, wome eifach gmüetlech iz Discord cha inecho, chlei labere - wesech öppis ergitt, öppis mache - u wieder gah, wenn eim drnah isch oder me angers zdüe het. 

 

Mäldet nech doch mal, falls dir no aktiv sit. 🙂